Әрәмја 6:1—30
6 Еј Бинјамин оғуллары, сығынаҹаг тапын, Јерусәлимдән гачын.
Тәгуһда+ шејпур чалын.+Бејт-Һәкаримдә одла ишарә верин!
Чүнки шималдан бәла, мүсибәт ҝәлир.+
2 Сион гызы ҝөзәл, инҹә гадына охшајыр.+
3 Чобанлар сүрүләрлә ҝәләҹәк.
Һәр тәрәфиндә чадырларыны гураҹаг,+Һәр бири өз сүрүсүнү отараҹаг.+
4 «Шәһәрлә дөјүшә һазырлашын!
Галхын, ҝүнүн ҝүнорта чағы она һүҹум едәк!»
«Вај һалымыза, ҝүн гүруба енир,Ахшам көлҝәләри узаныр!»
5 «Галхын, ҝеҹә вахты һүҹума кечәк,Истеһкамлы бүрҹләри дағыдаг».+
6 Чүнки ордулар Аллаһы Јеһова дејир:
«Ағаҹ кәсин, Јерусәлимин әтрафында мүһасирә бәнди гурун.+
Бу шәһәрдән һагг-һесаб тәләб етмәк лазымдыр,Ора зүлмлә, зилләтлә долудур.+
7 Гујудан сәрин су чыхдығы кими,Шәһәрдән дә пислик чыхыр.
Орадан зоракылыг, мәһв сәсләри ҝәлир,+Ҝөзүм анҹаг хәстәлик, бәла ҝөрүр.
8 Дүзәл, еј Јерусәлим, јохса сәндән ијрәниб үз дөндәрәрәм,+Сәни инс-ҹинс олмајан харабаја чевирәрәм».+
9 Ордулар Аллаһы Јеһова дејир:
«Исраилдә сағ галанлар тәнәкдә галан салхымлар кими, јығылаҹаг.
Сән үзүмјыған кими әлини тәнәјә узат».
10 «Киминлә данышым, кимә хәбәрдарлыг едим?
Ким гулаг асаҹаг?
Гулаглары тыханыб, ешитмирләр.+
Јеһованын сөзүнү сајмырлар,+Ону бәјәнмирләр.
11 Одур ки, ичим Јеһованын гәзәбилә долудур,Ону сахламагдан јорулмушам».+
«Ону күчәдәки ушагларын,Бир јерә топлашмыш ҹаван-ҹаһылын үстүнә төк.+
Әр дә, арвад да, јашлы да, гоҹа да,Һәр кәс әлә кечәҹәк.+
12 Евләри, тарлалары, арвадларыБашгасынын олаҹаг.+
Чүнки әлими бу өлкәнин сакинләринә гаршы галдырырам», — бәјан едир Јеһова.
13 «Рәијјәтдән әсилзадәјә кими һәр кәс һарам газанҹ далынҹа дүшүр,+Пејғәмбәрдән каһинә кими һәр кәс фырылдагчылыг едир.+
14 Халгымын јарасыны үздән мүалиҹә едирләр,Сүлһ олмаја-олмаја
“Сүлһ! Сүлһ!” дејирләр.+
15 Ҝөр һеч ијрәнҹ әмәлләринә ҝөрә утанырлар?
Онлар утанмаздыр,
Утанмаг нәдир билмирләр.+
Буна ҝөрә онлар да јыхыланлар арасында олаҹаглар.
Мән онлары ҹәзаландыранда бүдрәјәҹәкләр», — дејир Јеһова.
16 Јеһованын сөзү будур:
«Јолајрыҹында дуруб бахын,
Гәдим јоллары сорушун,Өјрәнин ҝөрүн дүз јол һансыдыр, о јолла ҝедин,+Динҹлик тапын».
Онларса дејирләр: «О јолла ҝетмәјәҹәјик».+
17 «Ҝөзәтчиләр гојдум,+Ҝөзәтчиләр: “Шејпур сәсинә гулаг асын!” дедиләр».+
Халг исә: «Гулаг асмајаҹағыг» деди.+
18 «Одур ки, динләјин, еј халглар!
Бил, еј гөвм,Онларын башына нә ҝәләҹәк.
19 Ешит, еј дүнја!
Бу халгын башына фәлакәт ҝәтирәҹәјәм,+Фитнәләринин бәһрәсини бичәҹәкләр.Чүнки сөзләримә мәһәл гојмадылар,Ганунуму рәдд етдиләр».
20 «Сәбадан ҝәтирдијиниз күндүр,Узаг дијардан ҝәтирдијиниз әтирли гамыш нәјимә лазымдыр?
Јандырма гурбанларынызы гәбул етмирәм,Гурбанларыныз Мәнә хош дејил».+
21 Буна ҝөрә Јеһова белә дејир:
«Бу халгын јолуна даш-кәсәк гојурам,Ата, оғул,Гонум-гоншу,Һәр кәс бүдрәјәҹәк,Һәлак олаҹаг».+
22 Јеһова белә дејир:
«Будур, шимал торпағындан бир халг ҝәлир.Дүнјанын ән уҹгар јерләриндән бөјүк бир халг ајаға галхыр.+
23 Әлләриндә јај-каман, мизраг вар,
Гәддардырлар, рәһмсиздирләр.
Дәниз кими уғулдајырлар,Атлара сүвар олублар.+
Еј Сион гызы, бир нәфәр кими гаршында сәф гурублар».
24 Бу хәбәри ешитдик,
Әлимиз јанымыза дүшдү,+Доған гадын кими бизи санҹы тутду,Әзаб ичиндәјик.+
25 Тарлаја ҝетмә,Күчәдә ҝәзмә,Чүнки дүшмән гылынҹ тутуб,Һәр тәрәфи дәһшәт бүрүјүб.
26 Еј мәним халгым,Чул ҝејин,+ күл ичиндә гыврыл,
Јеҝанә оғлуна јас тутурмуш кими аҹы-аҹы ағла,+Чүнки гатил үстүмүзә гәфил ҝәләҹәк.+
27 «Сәни* халгымын арасына гојдум ки, онлары ҝүмүштәк јохлајасан,Јахшы-јахшы сынагдан кечирәсән.Сән онлара нәзәр салыб әмәлләрини сына.
28 Онлар тәрсдир, инадкардыр.+Орада-бурада ҝәзиб шајиә јајырлар,+
Мисә, дәмирә бәнзәјирләр.Һамысы позғундур.
29 Көрүкләр јаныб,
Оддан јалныз гурғушун чыхыр.
Уста һа әлләшиб-вурушур, онлары сафлашдыра билмир,+Пис адамлар ајрылмыр.+
30 Онлара “атылмыш ҝүмүш” дејәҹәкләр,Чүнки Јеһова онлары рәдд едиб».+
Һашијәләр
^ Јәни Әрәмјаны.
