Һәбгуг 1:1—17
1 Һәбгуг* пејғәмбәрә вәһјдә назил олан һөкм.
2 Еј Јеһова, нә вахтадәк имдад диләјәҹәјәм, Сәнсә ешитмәјәҹәксән?+
Нә вахтадәк зүлм әлиндән дад едәҹәјәм, Сәнсә гуртармајаҹагсан?+
3 Нијә бу зүлм-ситәми ҝөтүрүрсән,
Нијә гојурсан ҝөзләрим јаманлыг ҝөрсүн?
Ҝөзүм һеј виранәлик, зоракылыг ҝөрүр.
Чәкишмәләрин, дава-далашын арды-арасы кәсилмир.
4 Буна ҝөрә ганун кәсәрини итириб,Һагга, әдаләтә јер галмајыб.
Шәр адам салеһи тәкләјир,Буна ҝөрә һагг-әдаләт әјилиб.+
5 «Халглара бахын, диггәтлә бахын!
Һејрәтлә бахын, мат галын.Чүнки сизин зәманәдә елә бир шеј олаҹаг ки,Сизә данышсалар, инанмазсыныз.+
6 Мән кәлданиләри,Өзҝә мәскәнләри зәбт етмәк үчүн+
Дүнјанын уҹгарларына ҝедиб чыханО амансыз вә чылғын халгы ајаға галдырырам.+
7 Онлар горхунҹдур, дәһшәтлидир.
Онлар өз әдаләтини, өз һакимијјәтини* бәргәрар едир.+
8 Онлар ҝеҹә ова чыхан ҹанавардан азғындыр,Атлары бәбирдән чевикдир.+
Дөјүш атлары дөрднала чапыр,Атлары узаглардан ҝәлир.
Онлар шикарын үстүнә шығыјан гарталтәк учурлар.+
9 Һамысы зоракылыг мәгсәдилә ҝәлир.+
Бирләшиб ирәли ҝедир, санки, шәрг күләјидирләр,+Әсирләри гум кими топлајырлар.
10 Бу халг падшаһлара лағ едир,Әјан-әшрәфи мәсхәрәјә гојур.+
Һәр бир галаја ҝүлүр,+Тәпә дүзәлдиб галаны әлә кечирир.
11 Онлар јел кими габаға ҹумур, өлкәни јарыб кечирләр,Амма тәгсиркар чыхаҹаглар,+Чүнки дејирләр, ҝүҹләри аллаһларындандыр*».+
12 Еј Јеһова, ахы Сән әзәлдән варсан,+
Пәрвәрдиҝара, еј Мүгәддәс Аллаһым, Сән өлмәзсән*!+
Еј Јеһова, Сән онлары һөкмүнүн иҹрасы үчүн ајырдын.Еј Гајам,+ Сән онлары ҹәза вермәјә тәјин етдин.+
13 Сәнин ҝөзләрин о гәдәр сафдыр ки, пислијә бахмазсан,Сән јаманлығы ҝөтүрә билмирсән.+
Бәс нијә хаинләрә сәбир едирсән?+Шәр адам өзүндән јахшысыны уданда нијә сусурсан?+
14 Нијә инсаны дәниздәки балыглара,Башчысы олмајан сүрүнәнләрә тај едирсән?
15 Дүшмән* онлары гармагла чәкир,
Тора салыб чәкир,Балыгчы торуна топлајыр,
Севиниб-шадланыр.+
16 Буна ҝөрә торуна гурбан кәсир,Балыгчы торуна гурбан тәгдим едир.Чүнки бу торларын сајәсиндә она јағлы,Әла пај дүшүр.
17 Ахы нә вахтадәк торуну долдуруб-бошалдаҹаг*?
Нә вахтадәк халглары амансызҹасына гырыб-төкәҹәк?+
Һашијәләр
^ Тәхмини мәнасы: һәрарәтлә гуҹагламаг.
^ Јахуд шәрәфини.
^ Диҝәр вариант: чүнки онларын ҝүҹү аллаһларыдыр.
^ Диҝәр вариант: биз өлмәрик.
^ Јәни кәлданиләр.
^ Диҝәр вариант: гылынҹыны сыјыраҹаг.
