Бизи Аллаһа јахынлашдыран билик
Аллаһ гүдрәт саһиби олмагла јанашы, чохлу ҝөзәл хүсусијјәтләрә дә саһибдир. О истәјир ки, биз Онун һагда өјрәнәк вә Она јахынлашаг (Јәһја 17:3; Јагуб 4:8). Буна ҝөрә дә Өзү һагда бизә чох шеј ачыб.
Аллаһын ады вар
«Гој инсанлар билсин ки, ады Јеһова олан Сән, дүнјада тәк Сән уҹасан» (ЗӘБУР 83:18).
Мүгәддәс Китабда дејилир ки, Јеһова тәк олан Аллаһдыр. О, Каинатын вә бүтүн ҹанлыларын Јараданыдыр. Тәкҹә О, ибадәтә лајигдир (Вәһј 4:11).
Јеһова бизи севир
«Аллаһ мәһәббәтдир» (1 ЈӘҺЈА 4:8).
Јеһова Мүгәддәс Китаб вә јаратдыглары васитәсилә бизә Өз хүсусијјәтләрини әјан едир. Онун ән әсас хүсусијјәти мәһәббәтдир. Јеһова һәр шеји мәһәббәтдән ирәли ҝәләрәк едир. Јеһова һагда өјрәндикҹә Она олан севҝимиз дә артыр.
Јеһова бағышлајандыр
«Сән бағышлајан... Аллаһсан» (НӘҺӘМЈА 9:17).
Јеһова билир ки, биз ҝүнаһлыјыг, буна ҝөрә дә бизи бағышлајыр. Биз Она пешман олдуғумузу дејәндә вә пис әмәли тәкрарламамаг үчүн әлимиздән ҝәләни едәндә О бизи бағышлајыр вә кечмиш ҝүнаһларымыза ҝөрә ҹәзаландырмыр (Зәбур 103:12, 13).
Јеһова Она дуа етмәјимизи истәјир
«Јеһова Ону чағыранлара, Ону сәмими-гәлбдән чағыранлара јахындыр... Фәрјадларыны ешидәр» (ЗӘБУР 145:18, 19).
Јеһоваја ибадәт етмәк үчүн хүсуси ајинләр иҹра етмәк, дини әшјалардан истифадә етмәк тәләб олунмур. Валидејн өвладларыны динләдији кими, Јеһова да бизим дуаларымызы ешидир.
You May Also Like
МҮГӘДДӘС КИТАБА АИД СУАЛЛАРА ҸАВАБ
Аллаһын садәҹә бөјүк гүввә олдуғуну демәк олармы?
Мүгәддәс Јазыларда дејилир ки, һәр шеји Аллаһ Өз гүввәси илә јарадыб. Бәс Аллаһ бизимлә марагланырмы?
МҮГӘДДӘС КИТАБА АИД СУАЛЛАРА ҸАВАБ
Ҝөрәсән Аллаһ ҝүнаһларымы бағышлајаҹаг?
Аллаһын әфвини неҹә газана биләҹәјимиз һагда Мүгәддәс Китабын нә дедијинә нәзәр салын.
