БУ ҜҮН һәјат Аллаһын нијјәт етдији кими дејил. Әслиндә, јер үзүндә Јараданын һакимијјәтинә һөрмәт едән, Онун мәсләһәтилә јашајан вә Онун кејфијјәтләрини әкс етдирән инсанлар мәскун олмалыјды. Онлар вәһдәт ичиндә јашајыб аилә саһиби олмалы, јени-јени шејләр өјрәнмәли вә бүтүн јер үзүнү ҹәннәтә чевирмәли идиләр.

• «[О,] јерин бир уҹундан о бири уҹунадәк дөјүшләри кәсир» (Зәбур 46:9).

• «Јери тәләф едәнләри тәләф етмәјин вахты ҝәлди» (Вәһј 11:18).

• «Һеч бир сакин “хәстәјәм” демәјәҹәк» (Әшија 33:24).

• «Сечилмишләрим әлләринин зәһмәтиндән дојунҹа зөвг алаҹаг» (Әшија 65:22).

Бу пејғәмбәрликләр неҹә јеринә јетәҹәк? Ҝөјдә гурулмуш бир һөкумәт јер үзүнү идарә едәҹәк. Аллаһ Иса Мәсиһи бу мүкәммәл һөкумәтин Падшаһы тәјин едиб. Мүгәддәс Китабда бу һөкумәт Аллаһын Падшаһлығы адланыр (Дәнјал 2:44). Мүгәддәс Китабда Иса Мәсиһ һаггында дејилир ки, Јеһова Аллаһ она тахт верәҹәк. О һөкмранлыг едәҹәк (Лука 1:32, 33).

Иса Мәсиһ јер үзүндә јашајанда гүдрәтли ишләрилә ҝөстәрди ки, Падшаһ оланда бәшәријјәти фираванлыға говушдураҹаг. Бизим ҝүзәранымыз индикиндән гат-гат ҝөзәл олаҹаг.

• О, һәр ҹүр хәстәлији сағалдараг ҝөстәрди ки, инсанлара сағламлыг бәхш едәҹәк (Мәтта 9:35).

• О, дәнизи сакитләшдирәрәк ҝөстәрди ки, тәбиәт гүввәләрини идарә едәрәк инсанларын һәјатыны горујаҹаг (Марк 4:36—39).

• О, минләрлә инсана јемәк верәрәк ҝөстәрди ки, инсанларын зәрури тәләбатларыны тәмин едәҹәк (Марк 6:41—44).

• О, тојда сују шәраба чевирәрәк сүбут етди ки, инсанларын һәјатдан севинҹ дујмасы үчүн нә лазымдырса, едәҹәк (Јәһја 2:7—11).

Истәјәрдинизми, Аллаһы севән инсанлары ҝөзләјән ҝәләҹәк сизә дә нәсиб олсун? О заман Мүгәддәс Китабда ады чәкилән «јолу» тутмаг лазымдыр. Бу јол, «һәјата апаран» јолдур вә «бу јолу аз адам тапыр» (Мәтта 7:14).

Һәјата апаран јол нәдир? Аллаһ дејир: «Мән сәнин Аллаһын Јеһовајам, Мән сәнин хејринә сәни өјрәдирәм, сәни ҝетмәли олдуғун јолла апарырам» (Әшија 48:17). Бу јолда јеријән инсан мүтләг хошбәхт олаҹаг.

Иса Мәсиһ демишди: «Јол, һәгигәт вә һәјат мәнәм» (Јәһја 14:6). Иса Мәсиһин өјрәтдији һәгигәтләрә иман етмәклә вә онун нүмунәсини  изләмәклә биз Аллаһа јахынлаша биләрик. Бунун сајәсиндә исә һәјатымыз даһа хошбәхт олаҹаг.

Һәјата апаран јолу неҹә тапмаг олар? Бу ҝүн дүнјада динләр чохдур. Лакин Иса Мәсиһ хәбәрдарлыг етмишди: «Мәнә “Аға, Аға” дејән һәр кәс сәмави Падшаһлыға ҝирмәјәҹәк, јалныз ҝөјдәки Атамын ирадәсини јеринә јетирән ора ҝирәҹәк» (Мәтта 7:21). О һәмчинин демишди: «Онлары бәһрәләриндән таныјаҹагсыныз» (Мәтта 7:16). Мүгәддәс Китаб сизә һәгиги ибадәти јалан ибадәтдән ајырмаға көмәк едә биләр (Јәһја 17:17).

Һәјат јолунда неҹә јеримәк олар? Бунун үчүн һәјатын Мәнбәјини танымаг лазымдыр: О кимдир? Ады нәдир? Һансы кејфијјәтләрә саһибдир? Бизим үчүн нәләр едир? Биздән нә тәләб едир? *

Аллаһ истәјир ки, инсанларын һәјаты садәҹә ишләмәкдән, јемәкдән, ојнамагдан вә оғул-ушаг саһиби олмагдан ибарәт олмасын. Биз Јараданы танымалы, Онун досту олмалыјыг. Биз Онун бујругларына әмәл етмәклә Она мәһәббәтимизи ҝөстәрмәлијик. Иса Мәсиһ демишди: «Әбәди һәјат одур ки, Сәни, тәк ҝерчәк Аллаһы... танысынлар» (Јәһја 17:3).

Ола билсин, Аллаһын бујругларыны өјрәндикҹә ҝөрәҹәксиниз ки, һәјатынызда бәзи дәјишикликләр етмәлисиниз. Бу сизә чәтин ҝәлә биләр. Әслиндә исә бу јолда јеримәк инсана зөвг верир, садәҹә, илк аддымы атмаг лазымдыр. Аллаһ һаггында ваҹиб суаллара ҹаваб тапмагда Јеһованын Шаһидләри сизә көмәк едә биләр. Онлар сизә мүнасиб олан вахтда вә јердә сизинлә пулсуз Мүгәддәс Китаб дәрси кечә биләрләр.Бизимлә www.isa4310.com сајтымыз васитәсилә әлагә сахлаја биләрсиниз.