Јахшы инсан олмаг хошбәхт ҝәләҹәк үчүн зәманәтдир?
Әсрләр боју бир чох инсанлар һесаб едиб ки, јахшы, нәҹиб инсан олмаг ҝөзәл ҝәләҹәјә јол ачыр. Мәсәлән, Шәргдә инсанлар мәшһур философ Конфутсинин сөзләринә бөјүк һөрмәтлә јанашырлар (б. е. ә. 551—479). О демишди: «Өзүнә рәва билмәдијини башгаларына да рәва билмә».
БИР ЧОХЛАРЫНЫН ТУТДУҒУ ЈОЛ
Чохлары дүшүнүр ки, дүзҝүн давраныш ҝөзәл ҝәләҹәјә јол ачыр. Онлар башгалары илә һөрмәтлә давранырлар, әдәб гајдаларына риајәт едирләр, ҹәмијјәтдә өз јерләрини билирләр вә виҹданларыны тәмиз сахламаға чалышырлар. Вјетнамдан олан Лин адлы бир гадын дејир: «Мән дүшүнүрдүм ки, әҝәр дүрүст, сәмими олсам, һәјатым ҝөзәл олаҹаг».
Бәзиләри дини етигадларындан ирәли ҝәләрәк јахшылыг етмәјә чалышырлар. Тајванда јашајан Шу Јун адлы бир киши дејир: «Мәнә белә ашыламышдылар: инсанын сағ икән ҝөрдүјү әмәлләр ону өләндән сонра ја сонсуз немәтләрә говушдурур, ја да әбәди ишҝәнҹәләрә мәруз гојур».
БӘС КӨМӘЈИ ДӘЈИР?
Дүздүр, башгаларына јахшылыг етмәјин инсана чох хејри вар. Анҹаг башгалары илә хејирхаһ давранан инсанлар чох вахт бунун гаршылығыны ҝөрмүрләр. Һонконгда јашајан Сју Пинг адлы гадын дејир: «Өз тәҹрүбәмдән дејә биләрәм ки, инсанлара јахшылыг едән кәсләр чох вахт әвәзиндә пислик ҝөрүрләр. Мән вар ҝүҹүмлә аиләмин гејдинә галырдым, јахшы һәјат јолдашы олмаға чалышырдым, амма аиләм дағылды. Јолдашым оғлумла мәни атыб ҝетди».
Чохлары ҝөрмүшләр ки, бүтүн диндар инсанлар һеч дә јахшы инсан дејил. Јапонијада јашајан Етсуко адлы бир гадын дејир: «Мән дини тәшкилата гошулмушдум вә ҝәнҹләр үчүн мәшғулијјәтләр тәшкил едирдим. Бу тәшкилатдакы инсанларын әхлагсызлығыны, вәзифә давасыны, килсәнин пулуну надүрүстҹәсинә мәнимсәдијини ҝөрәндә дәһшәтә ҝәлирдим».
«Мән вар ҝүҹүмлә аиләмин гејдинә галырдым, јахшы һәјат јолдашы олмаға чалышырдым, амма аиләм дағылды. Јолдашым оғлумла мәни атыб ҝетди» (СЈУ ПИНГ, ҺОНКОНГ).
Бәзи диндар инсанлар ҝөрәндә ки, јахшы әмәлләри мүкафатсыз галыр, пәришан олурлар. Вјетнамдан олан Ван адлы бир гадын да бу һиссләри кечирмишди. О дејир: «Һәр ҝүн мејвә, ҝүл, јемәк алыб әҹдадларымын руһуна тәгдим едирдим. Үмид едирдим ки, бунун сајәсиндә ҝәләҹәјим ҝөзәл олаҹаг. Нә гәдәр јахшылыглар етсәм дә, узун илләр дини ајинләри иҹра етсәм дә, әрим ағыр хәстәлијә тутулду. Даһа сонра хариҹдә охујан гызым ҝәнҹ јашында вәфат етди».
Әҝәр јахшы инсан олмаг да ҝөзәл ҝәләҹәјә зәманәт вермирсә, бәс онда нә зәманәт верир? Бу суала ҹаваб тапмаг үчүн ҝәрәк етибарлы бир мәнбә олсун. Елә бир мәнбә ки, бүтүн суалларымыза ҹаваб версин вә хошбәхт һәјата апаран јолу бизә ҝөстәрсин. Белә бир мәнбәни һарадан тапа биләрик?
You May Also Like
ОЈАНЫН!
Ушагларын мәнәви дәјәрләри олмалыдыр
Өвладларыныза мәнәви дәјәрләр ашыласаныз, онларын ҝәләҹәји үчүн мөһкәм тәмәл гураҹагсыныз.
ҜӨЗӘТЧИ ГҮЛЛӘСИ
Пис шејләр јахшы инсанларын башына ҝәлир. Ахы нијә?
Мүгәддәс Китабда изтирабларымызын үч сәбәби ачыгланыр.
