CAPITULO 37

¿Mülepei mai tañi fautizahual?

¿Chem pimi? ¿Rüfngei cam coilangei?

Com pu cristiano mülei ñi fautizahual.

□ Rüfngei

□ Coilangei

Pu che fautizauquei ñi culpanoal.

□ Rüfngei

□ Coilangei

Ti fautizahun mu montuafuiñ.

□ Rüfngei

□ Coilangei

Fautizaunoli, Chau Dios juzgalayaeneu.

□ Rüfngei

□ Coilangei

Tañi pu hueni deu fautizahui, iñche ca mülefui ñi fautizahual.

□ Rüfngei

□ Coilangei

¿INANIEPEIMI mai Biblia ñi ngülam? ¿Yafüluuqueimi tami hueniyeafiel ta Chau Dios? ¿Nütramcaquefimi caquelu che chem tami feyentuqueel? Mai pilmi tüfachi cüla ramtun mu, cüpa fautizahuimi chi. Huelu, ¿pepicaucülepeimi mai? Tami quimal, ngüneduamnge chem huiñoldunguimi tati ramtun ellaca mu mülelu.

● Com pu cristiano mülei ñi fautizahual.

Rüfngei. Jesús feipifi tañi pu inanieteu ñi fautizahual (Mateo 28:19, 20). Fei ca fautizahui. Feimu tami inayafiel ta Cristo, ca mülei tami fautizahual pepicaucülelmi ca rüf ayülmi tami femal.

● Pu che fautizauquei ñi culpanoal.

Coilangei. Fautizahun mu pengelaimi tami hulcünun tami mongen Jehová mu. ¿Chumngelu femngechi femqueiñ? Ayünieiñ femal Chau Jehová ñi pin. Fautizaulaiñ re taiñ quiñepülecünuafiel huesaque dungu taiñ rüf ayüquefiel.

● Ti fautizahun mu montuafuiñ.

Rüfngei. Biblia feipi ti fautizahun rume falin-ngei taiñ montual (1 Pedro 3:21). Huelu raquiduamlayaiñ: “Fautizahuan, fei chem rupale rume iñche montuan”. Fautizauqueiñ fente taiñ piuqueyefiel ta Chau Jehová ca com piuque mu cüpa serfiquefiyiñ rumel meu (Marcos 12:29, 30).

● Fautizaunoli, Chau Dios juzgalayaeneu.

Coilangei. Santiago 4:17 feipi: “Inei rume quimnielu ñi femal nor dungu, fei femnolu, fei ta culpai” fautizaucülenole rume. Feimu raquiduamnge: ¿quimnieimi chem ayüquei Chau Dios tami femal? ¿Pepicaucülepeimi mai tami ngüneduamuhual? Mai pilmi, cümeafui tami nütramcalelafiel tami chau, ñuque cam caquelu cristiano. Fei quellungeaimi tami fautizahual.

● Tañi pu hueni deu fautizahui, iñche ca mülefui ñi fautizahual.

Coilangei. Cüpa fautizahulmi, piuque mu tripape (Salmo 110:3). Huelu hune quimaimi chem mülei tami femal Dunguquelu Ineingen Jehová ngelmi. Ca ngüneduamuhuaimi tami pepicaucülepen mai tami femal (Eclesiastés 5:4, 5).

Falin dungu tati

Fautizahulmi, cambiatuai tami mongen ca llohuaimi fentren cümelcan. Huelu mülei tami femal quiñe falin dungu: huechunentuaimi com tami feipicünufiel ta Chau Jehová.

¿Pichilehuei tami fautizahual? Fei, ¿rume ayüucülepelaimi? Serfiafimi ta Chau Jehová com tami piuque mu ca fill antü ayühuelafimi. Tüfa tati doi falin dungu tami femafel (Mateo 22:36, 37).

¿CHEM INADUAMAIÑ CÜPALECHI CAPITULO MEU?

Chumngechi doi cüme femaimi tami mongen mu.

FALIN TEXTO

“Hultucuaimün tamün cuerpo ca tamün mongen ta Chau Ngünechen meu, quiñe lif chalintucun reque fei ñi llohuafiel. Feimu com tamün raquiduam meu serfiafimün ta Chau Ngünechen” (Romanos 12:1, Traducción del Nuevo Mundo).

QUIÑE NGÜLAM

Ramtuafimi tami chau cam tami ñuque: “Trahunche mu, ¿inei quelluafeneu ñi doi hueniyeafiel ta Chau Dios?” (Hechos 16:1-3).

¿QUIMIMI TÜFA?

Ti fautizahun quiñe marca reque felei tami montual (Ezequiel 9:4-6).

¡FEI TÜFA FEMAN!

Tañi fautizahual, ¿chem quimeltun Biblia mu mülelu mülei ñi doi cüme adümafiel? ․․․․․

¿Chem ramtuafiñ tañi chau cam tañi ñuque tüfachi quimeltun meu? ․․․․․

¿CHEM PIMI CAI?

● ¿Chumngelu (chemu) fente falin-ngei tami fautizahual?

● Quiñeque hueche, ¿chumngelu fautizauquei petu ñi pepicaucülenon?

● Caquelu hueche pepicaucüleingün, huelu ¿chumngelu hulcünulai ñi mongen Jehová mu ca fautizaulaingün?

[Feipin]

Raquiduamtucunien tañi fautizaucülen. Tüfa quellueneu tañi cüme femal ca ñi connoal huesaque dungu mu” (Noemí).

[Huichulechi dungu/​Adentun]

Fillque ramtun ti fautizahun mu

¿Chem adentulei ti fautizahun? Co mu conülmi, layaimi reque, furi pülecünuafimi tami cuifi mongen ca doyümhuelayafimi tami ayünieel. Tripatulmi co mu, huiñomongetuaimi reque, huelu feula femaimi chem ayüniei ta Chau Ngünechen.

¿Chem cüpa feipi hulcünual taiñ mongen Chau Jehová mu? Quisu d ullihuelayaimi tami chumal, Chau Jehová ngen-ngei tami mongen mu (Mateo 16:24). Feimu petu tami fautizaunon, mülei tami llellipuafiel ta Chau Jehová, rumel feman tami ayünieel piafimi.

¿Chem mülei ñi femal petu ñi fautizaunon? Mülei tami inayal Biblia ñi feipin ca nütramcalelafiel caquelu che chem tami feyentuqueel. Cafei mülei tami cüme hueniyeafiel ta Chau Ngünechen, chillcatunieafimi Biblia ca llellipuleaimi, femngechi tami doi cüme hueniyeafiel. Mülei tami serfiafiel Jehová eimi tami pin mu, caquelu che tami feipieteu no.

¿Tunten tripantu mülei ñi nieal tañi fautizahual? Feipingequelai tunten tripantu tami nieal. Huelu mülei tami cüme adümafiel chem tami chumal hulcünulmi tami mongen Jehová mu.

Cüpa fautizahun, huelu tañi pu chau feipieneu ñi üngümal, ¿chumafun? Fei engu raquiduamquei chi mülei tami doi cüme inayal Biblia tañi feipin. Allcütuafimi engu ca yafüluunge tami doi cüme hueniyeafiel Chau Jehová (1 Samuel 2:26).

[Huichulechi dungu]

Tami huirintucucünual

¿Cüpa fautizahuimi?

Inaduamaimi tati inalechi ramtun, fei quimaimi tami pepicaucülepen mai. Petu tami huiñoldungunon, papeltuaimi ñi feipin Biblia.

¿Chumngechi pengelqueimi tami maneluuquen Chau Jehová mu? (Salmo 71:5). ․․․․․

¿Cüme quimnieimi chem ñi cümen ca chem ñi cümenon? ¿Chumngechi pengelimi tüfa? (Hebreos 5:14). ․․․․․

¿Tunte ngillatuquefimi Chau Dios?. ․․․․․

Ngillatulu eimi, ¿cüme feipicünuqueimi chem tami raquiduamquen? Tami feipin mu, ¿quimfali tami piuqueyefiel Jehová? (Salmo 17:6). ․․․․․

¿Chem ayüafuimi femal tami doi cüme ngillatual? ․․․․․

¿Tunte estudiaquefimi Biblia? (Josué 1:8). ․․․․․

Quisu estudialmi, ¿chem dungu inaduamqueimi? ․․․․․

¿Chem ayüafuimi femal tami doi cüme estudiayal? ․․․․․

¿Cüme amuldunguchequen piafuimi? (Raquiduamnge: ¿Quimfalcünuafuimi ti doi falinque dungu ñi quimeltuel Biblia? ¿Huiñopemetuquefimi pu allcütulu? ¿Yafüluuqueimi tami quimelelafiel Biblia ta quiñe che?)

□ Mai □ Femquelan

Tami pu chau amunole ñi amuldungual, ¿eimi ca amuqueimi? (Hechos 5:42).

□ Mai □ Femquelan

¿Chem ayüafuimi femal tami doi cüme amuldungual? (2 Timoteo 2:15). ․․․․․

¿Amuqueimi com trahun mu cam müchaique mülecaimi ruca mu? (Hebreos 10:25). ․․․․․

¿Chumngechi coneltuqueimi trahun mu? ․․․․․

Tami pu chau pepi amunole trahun mu, huelu elueimu permiso tami quisu amual, ¿amuqueimi?

□ Mai □ Femquelan

¿Ayüuqueimi tami femquen Chau Dios ñi ayünieel? (Salmo 40:8).

□ Mai □ Femquelan

¿Acordaimi feichi nehuentulu eimi ngüchaltucueteu rume tami pu compañ? (Romanos 12:2). ․․․․․

¿Chumafuimi ñi fentecünunoal tami piuqueyefiel Jehová? (Judas 20, 21). ․․․․․

Tami pu chau cam tami pu hueni elcünule ta Jehová, ¿eimi serfinieafimi? (Mateo 10:36, 37).

□ Mai □ Femlayan

[Adentun]

Tati fautizahun rume falin-ngei, chumngechi falin-ngei ti curehuen