Ti politica dungu püntülcaniefi pu che com mapu meu. Feichi 2022 tripantu ramtungei fentren che 19 pais tuulu, fei doi rangiñ feichi pu che feipi: “Pu quelluntucuquefilu quiñe politico troquiñche caiñetumequei feichi pu che quelluntucuquefilu caquelu politico troquiñche”.

 Pu che cheu tami mülen, ¿doi püntülcaucülepeingün mai politica dungu mu? ¿Chumngelu femngechi rupaquei? ¿Cüme elcünungetuafui? Peaiñ chem pi tati Biblia.

 Biblia feipi famülque mu fentren che huesa piuquengeafui, feimu pepi quiñeulayafui engün.

•   “Epe puucülele ñi afal mapu müleyechi dungu, müleai cüdaungechi dungu ca cuñihun-ngeai ta mongen. Tati pu che quisutu piuqueyehuai, [...] pilayai ñi cümelcautual caquelu che engün” (2 Timoteo 3:1-3).

 Tunte cüdahuafui rume pu gobierno, huesa tripalei. Caque rume raquiduam nielu engün cai, rume cüdautuqueingün quiñentrür cüdahual tañi cüme elcünutuafiel ti dungu mapu meu. Tüfa pengeli com ñi feipicünuel Biblia cuifi mu, femtripalei fachantü.

•   “Tati pu che ñi ngüneniefiel caquelu pu che, fei quiñentrür ñi huesalcalerpual engün” (Eclesiastés 8:9).

 Huelu Biblia feipi quiñe gobierno ñi apümcünutuafiel huesaque dungu mapu meu. Ca feipi inei ñi ngünenieaeteu.

 Biblia feipi ñi mülen quiñe lonco fente cüme pepicaucülelu ñi cüme elcünutuafiel ti dungu, tüfa ta Jesucristo. Jesús niei nehuen, autoridad ca ayüquei com che ñi quiñeucüleal ca tüngcüleal.

•   “Feichi mu tati pu norngelu alün-ngerpuai ca fentren cüme felen müleai” (Salmo 72:7).

•   “Com troquiñche poyenieayu” (Salmo 72:11).

 Jesús duamtuniefi pu che ca ayüquei ñi quelluafiel, doi mai pu femngelu norngenochi dungu, feimu Jesús tati doi cüme lonco taiñ nieafel.

•   “Quisu montulafilu cai tati fillalelu llellipumequelu ñi quellungeal, cafei tati cuñifallcülelu ca inei rume nienolu tañi quelluaeteu. Cutranpiuqueyeafi tati pu pofre, fei montulafi engün. Tañi cutrancangequen ca tañi quehuatungequen mu quisu ta montulafi engün” (Salmo 72:12-14).

 Doi quimfinge Chau Dios tañi Gobierno, huenu mu mülelu ca ngünenieyu Jesús. Ngüneduamfinge chumngechi cümelcayafeimu ca chumafuimi tami quelluntucuafiel.

•   Pefinge ti video ¿Chem am ta Chau Dios ñi Reino?

•   Huincadungun mu, papeltunge ti troquiñ “El Reino de Dios: un gobierno sin corrupción”.