TI HUERQUEN Num. 1 2022 | ¡Huehuafuiñ ti üdehun!
Mülei fentren üdehun tati Mapu mu. Tati pu che fentren dungu meu pengelquei üdehun, illamcachequei, dullintuchequei, lucatuchequei ca hulelcachequei. Fei, ¿huehuafuiñ ti üdehun? Tüfachi revista mu ngüneduamaiñ falinque ngülam taiñ huehuafiel ti üdehun. Ca peaiñ chem chumai Chau Dios ñi ngehuetunoal üdehun.
¡Huehuafiyiñ tati üdehun!
¿Chumngechi tati pu che pengelquei tañi üdeuquen?
¿Chumngelu üdeuquei tati pu che?
Tati Biblia quimeltuquei cheu tuhui ti üdehun, chumngelu tati pu che eluucülei ñi üdehual ca chumngelu fentren üdehun mülei Mapu mu.
¿Chumafuiñ taiñ üdechehuenoal?
Ñi quimeltuqueel Biblia quelluquefi pu che ñi doi cüme chengeal.
¿CHUMAFUIÑ TAIÑ ÜDECHEHUENOAL?
1 | Dullichequelayaimi
Inahuentufilyiñ Chau Dios ñi dullichequenon, iñchiñ enturpuafuiñ ti üdehun taiñ piuque mu.
¿CHUMAFUIÑ TAIÑ ÜDECHEHUENOAL?
2 | Tami huesa femeteu ca femngechi huiñoleltulayafimi
Maneluhulmi Jehová ñi norümtuafiel com huesque dungu, quelluaimu tami ca femngechi huiñoleltunoafiel tami pu huesa femeteu.
¿CHUMAFUIÑ TAIÑ ÜDECHEHUENOAL?
3 | Nentufinge tati üdehun tami raquiduam mu
Tati fillque ngülam ñi elel Chau Dios Biblia meu quelluafeimu tami entuafiel ti üdehun tami raquiduam ca piuque meu.
¿CHUMAFUIÑ TAIÑ ÜDECHEHUENOAL?
4 | Huehuafimi ti üdehun Jehová ñi quellun mu
Chau Ngünechen tañi nehuen quelluafeimu tami famentuafiel ti üdehun.
¡Tati üdehun ngehuelayai!
¿Chumngechi rumel apümcangeafui tati üdehun?
Rume cutrancauquei pu che tati üdehun ñi duam meu
¿Chumafuiñ tañi huehuafiel ti üdehun? Pefinge chem quellumequefi ta fentren che huall Mapu meu tañi üdechehuenoal.
