Küme kimfinge ta che
¿Chumkey ta che?
Fentren che allkütulu müten koylake dungu kakelu che mew, eluwingün ñi weda rakiduamal kidu engün mu. Ngüneduamnge koylake dungu ñi rakiduamkeel kiñeke che:
-
Kiñeke ngen kudaw rakiduamkey pu domo adümuwkülelayngün ka müte newen-ngelayngün. Feymu pepiluwkülelayngün ñi femal kiñeke küdaw.
-
Pu che mülelu lelfün mew chofü kam ngollife pingekey.
-
Kiñeke che rakiduamkey pu kutranchewkülelu weñangkiyawkeyngün ka fill antü mulfarkiyawingün.
Tati pu che femngechi rakiduamkelu, ayükey ñi kimfalkünual ñi rüfngen tañi feypikeel. Kafey müte duamtukelafi kakelu che ka rakiduam nielu.
Biblia ñi ngülam
“Kiñe che nienolu kimün, wedakünukey” (PROVERBIOS 19:2).
¿Chem küpa kimeltuy? Küme kimnoliyiñ kom taiñ feypingeel, wedalkayafuiñ. Allküntukuliyiñ ñi feypiyawngeel kiñe che mu, fey pürüm feyentuliyiñ, weda rakiduamürpuafuiñ.
Küme kimafiyiñ tati pu che
Eluwliyiñ taiñ küme kimafiel tati pu che, pürüm feyentulayaiñ koylake dungu ñi feypiyawngeel kidu engün mu. Feymu petu taiñ weda rakiduamnon kiñe trokiñche mew, doy kümeafuy taiñ küme kimafiel.
Chem tami femafel
-
Longkontukunge: wedake dungu feypingele kiñe trokiñche mew, rakiduamlayaymi kom ñi femngechi chengen engün.
-
Kimtukunienge: kom küme kimlaymi chi ñi chumngechi chengen ti trokiñche.
-
Doy küpa kimülmi kiñe trokiñche mu, manelfalngechi dungu kintuaymi.
