Femlai, quiñe catolico enciclopedia nütramcaquelu tati huercün dungu Chau Dios ñi elufiel ti pu israelche feipi: “Quimfali tati fillque nütram mülelu Biblia mu, ñi poyequenofiel ta Chau Ngünechen adentun meu” (New Catholic Encyclopedia). Inaduamafiyiñ quiñeque troquiñ Biblia mu.

•   Éxodo 20:4, 5 feipi: “Ngelai tami deumayafiel quiñe adentun no rume, adentuquelayafimi chem dungu no rume mülelu huenu mapu mu, nag Mapu mu, ca ti co meu mülelu miñche mapu mu. Ngelai tami lucutulelafiel tüfa meu, ca rulpaduamngelayaimi tami poyeafiel cütu, iñche am, Jehová tami Ngünechen, tati Ngünechen feipiquefilu tati pu che ñi eluucüleal tañi poyeaeteu iñche müten”. Chumngechi pengeli tüfa Chau Ngünechen ayüquei ‘tati pu che ñi eluucüleal tañi poyeaeteu quisu müten’, feimu ayüquelai tati pu che ñi poyequefiel fillque adentun.

•   Isaías 42:8 Chau Dios feipi: “Ca inei no rume elulafiñ tañi pepiluhun, ca tañi püramngen quiñe deumaelchi adentun no rume”. Taiñ Huenu Chau ayüquelai ñi püramyengeal adentun meu. Fei tati pu israelche deumafilu quiñe adentun milla pichi culliñ ñi poyeafiel ta Ngünechen, quisu feipi quiñe fütra culpan ñi femün engün (Éxodo 32:7-9).

•   Hechos 17:29 feipi: “Ngelai taiñ raquiduamael Ngünechen tañi oro huidünngen ca pülata no rume ca cura no rume tati pu che tañi deumaqueel ca tañi adentucünuel engün”. Tati coilaque religion poyequefi “Ngünechen” adentun mu “tati pu che tañi deumaqueel”. Huelu chumngechi feipilei tati Biblia pu cristiano “pepi pequelafiyiñ, huelu nehuentuucüleiñ taiñ feyentulen meu” (2 Corintios 5:7).

•   1 Juan 5:21 feipieiñmeu: “Cuñiutuumün tamün poyenoafiel tati pu adentun”. Feimu papeltufiel ta Biblia ti huercün dungu ñi elungeel pu israelche ca pu hunenque cristiano pengeleiñmeu poyeafiel ta Chau Ngünechen adentun mu, quiñe coila quimeltun tati.