Бистиҥ телекейлик тӧс башкару Американыҥ Бириктирген Штаттарында турат. Је андый да болзо, мындый шылтактардаҥ улам, бис американыҥ сектазы эмезис:

•   Кезиктериниҥ јартаганыла болзо, секта — бу тӧс религиянаҥ бӧлӱнип барган религиялык бӧлӱк болот. Иегованыҥ Керечилери кандый бир кудай јаҥнаҥ бӧлӱнип чыкпаган. Бис, баштапкы чактыҥ христиандары чылап, христиан кудай јаҥды јаҥдайдыс.

•   Иегованыҥ Керечилери бойлорыныҥ ижин 230 ороондордо ло јерлерде ӧткӱрип јат. Бистер кайда да јадып турган болзоос, США-ныҥ башкарузына да эмес, ӧскӧ дӧ кижиликтиҥ башкарузына эмес, је Иегова Кудайга ла Иисус Христоско чындык артадыс (Иоанн 15:19; 17:15, 16).

•   Бистиҥ бастыра ӱредӱлерис кандый бир Бириктирген Штаттардагы религияныҥ башчызына эмес, је Агару Бичикке тӧзӧлӧнип јат (1 Фессалоникадагыларга 2:13).

•   Бис кандый бир кижиниҥ кийнинеҥ эмес, је Иисус Христостыҥ кийнинеҥ барадыс (Матфей 23:8—10).