«Агару Бичиктиҥ бӱгӱнги ӱлгери» деген брошюрада кажы ла кӱнде кандый ӱлгер кычыратаны ла ол ӱлгердиҥ јартамалы бичилген. Оны кычырып алзаар, кӱӱн-санаагар эртен туранаҥ ла ала амыр болор.

Агару Бичиктиҥ ӱлгерин ле оныҥ јартамалын кандый ла ӧйдӧ кычырарга јараар. Је кӧп саба ака-эјелер эртен тура кычырып алат, анайып, ӱлгерди бӱдӱн кӱнниҥ туркунына шӱӱп сананарга јакшы. Билелӱ улус кӱнниҥ ӱлгерин кожо кычырза, олордыҥ колбулары оноҥ бек болор.

Кӱнниҥ ӱлгерин «Каруулчы шибеениҥ онлайн-библиотеказынаҥ» кычырарга јараар. Ол эмезе бу брошюраныҥ PDF-файлын чыгарып аларга јараар. Анда бӱдӱн јылга кычыратан библиялык ӱлгерлер болор.