MUNYUHI NƐ KƆƆ HƐ MI MUNYU Ɔ HE

Je Ko Nɛ A Be Nɔ Ko He Juɛmi Yaya Náe Ngɛ Mi​—Mɛni Be E Maa Ba?

Níhi nɛ ni komɛ pee ngɛ a si himi mi ɔ ma nɔ mi kaa Baiblo ɔ ngɛ nihi ye buae momo nɛ a ná we nihi a he juɛmi yaya hu. Mɛni be nɔ he juɛmi yaya nami se maa po kulaa?

O Bua Nɛ Jɔ Yehowa Su Ɔmɛ A He Saminya

Ke a ke nihi nyɛɔ suɔ nɔ ko he ɔ, mɛni e tsɔɔ? Ke a ke nɔ ko hyɛ we nɔ hɛ mi ɔ, mɛni e tsɔɔ? Ke wa kase bɔnɛ Yehowa Mawu jeɔ su nɛ ɔmɛ kpo ɔ, e maa ye bua wɔ konɛ wɔ hu wa je su nɛ ɔmɛ kpo.

O Bua Nɛ Jɔ Bɔnɛ Yehowa Haa Nɔ Nɔ́ Faa Nɛ E Nuɔ Nɔ́ Sisi Ha a He

Yehowa pee bɔnɛ a haa nɔ nɔ́ nɛ a nuɔ nɔ́ sisi ɔ he nɔ hyɛmi nɔ kpakpa. Ke wa kase lɛ ɔ, e maa ye bua wɔ konɛ wɔ hu waa pee jã.

O bua nɛ jɔ bɔnɛ Yehowa yeɔ anɔkuale nɛ e kɛ yayami paa a ha a he

Huɛ kpakpa ngɔɔ tɔmihi kɛ paa nɛ e yeɔ anɔkuale hulɔ. Ke wa kase Yehowa a, e maa ye bua wɔ konɛ wa je suhi nɛ a he hia nɛ ɔmɛ kpo.

Ha Yehowa Tsɔsemi Nɛ Dla Mo

Yehowa nɛ ji “Buɛ Puɛlɔ” ɔ dla nihi kɛ mahi po. Mɛni wa ma nyɛ maa kase ngɛ enɛ ɔ mi, nɛ kɛ wa ma plɛ kɛ ná e nɔ dlami ɔ he se mwɔnɛ ɔ kɛɛ?

Anɛ E Sa Nɛ Waa Sɔle Kɛ Ha He Tsɔli Lo?

Nɔ́ nɛ Ngmami ɔ de kɛ kɔ sɔlemi nɛ a sɔleɔ kɛ haa he tsɔli ɔ he ɔ kɔɔ sane bimi nɛ nyɛɛ se ɔ nɛ ɔ heto ɔ he: Anɛ e sa nɛ o ye gbeye kaa o maa sɔle kɛ ha Mawu lo?

Sane Bimihi Nɛ Je Ní Kaneli A Ngɔ

Mɛnɔmɛ ji “Mawu binyumu ɔmɛ” kɛ “mumihi nɛ a wo mɛ tsu ɔ” nɛ Baiblo ɔ tu a he munyu ɔ?