Baibul waco atir ka maleng ni Yecu ocero dano. Lok magi pe gubedo ododo; gutimme ada. Me lapore, i oro me mwaka 31 K.M., lwak mapol guwoto kacel ki Yecu nia ki i Kapernaum nio i Nain. I kare ma guo kunnu, gin gurwatte ki lwak dano mapol. Itwero bedo ki gen i kom nicer mutimme i nge rwatte man pien kicoyo pire i Baibul, dok bene otimme i wang lucaden mapol.​—Kwan Luka 7:11-15.

Yecu bene ocero lareme Lajaro ma onongo dong oto pi nino angwen kulu. Itwero ye ripot ma kimiyo i kom gin ma Yecu otimo i nino meno pien jo mapol bene guneno ki wanggi.​—Kwan Jon 11:39-45.

Mar ma Yecu onongo tye kwede pi dano aye omiyo en ocerogi. En bene otimo man me nyuto ni Wonne, Ngat ma Ocweyo jami makwo-ni, aye omine twero me cero jo muto.​—Kwan Jon 5:21, 28, 29.

Cero dano ma Yecu ocerogi-ni miniwa gen i kom cikkene pi kare me anyim. En bicero dano mapol ma bene tye iye jo ma kitgi pe atir ma onongo pe gingeyo lok i kom Lubanga. Kibiminigi kare me ngeyo ki dok maro Lubanga Jehovah.​—Kwan Tic pa Lukwena 24:15.